Par la so forma longa e stretta la sirìa,
na strisa de tera fertile e benedia.
A destra la ga al Po a sinistra la ga l’Adese,
l’è taià in mezo dal Tartaro e po dal Canalbianco
e altri otto o diese Scoli almanco.
Al Polesine con capitale Ruigo
dal zielo le stà benedio, come ca ve digo.
Però le un pecà, cla sia stà,
par tanto tempo strapazà e mal aministrà.
L’è deventà tera de conquista,
de tute le casà allora più in vista. 
Mi a me szarvelo còsa  gheveli in tla zuca,
che par stà strisa  de tera, i Doge e i D’este i iera sempre in baruffa.
Al Polesine i venezian ca ghea i schei , i là invaso, 
de sicuro i nlà mina fato par caso.
Sia al  pesce, che al fromento ca ghiera in abbondanza,
tutti i caga in acqua i sa inpinì la panza.
Dai  Badoer, e quei dla so risma, fin Mocinigo
chi i sa fato le più bele ville, dla proincia de Ruigo.
La Badoera a Fratta, a Canda la villa Nani Mocenigo,
iè de na beleza ca ne ve digo.
Se i venezian i là sachegià dal nord,
i fraresi ia fato al resto dal sud.
Da Guarda e anche più in zo ,
ti te cati trace, longa la riva sinistra dal Po.
Da Ocbel , Stienta, Gaiba, Figarol a Massa Superior, e più in su,
i contadin i morea dala fame, e i siori i se impinea la panza sempre de più.
Al belo lè chi ne iera mina sazii da verse spartio sta terra,
ogni qualtanto i se fasea la guera.
I se dasea bote da orbi, de cle smanegà ,
ca ghe rimetea i iera sempre i pori desgrazià. 
I venezian le vile e i fraresi i castei,
se vede che i D’Este ei Pepoli i ghea più schei. 
Queli de Castelguglielmo, Castelmassa, Castelnovo, ie sparì, 
quei de Sarian e il Palazzo Pepoli de Tresenta ie ancora chì.
Prima de sti magna, magna, a ghe stà i frati,
che ancora adesso ghe di loro manufati .
A Badia la Vangadizza a Salara “La Cros”e altri conventi in quà e in là,
solo i Benedettini,con le bonifiche alla pora zente ia pensa.
I venezian co i so eredi ie sparì,
i fraresi par le so male fate ie stà maledì.
I frati dopo al concilio de Trento,
i sa ritirà tutti in convento.
I Estensi i sa anca premurà de dedicare ai Santi lori protettori,la cesa de Sarian,
a S. Maureglio, quela de Tresenta e Bergantin a S. Giorgio con la lancia in man.  
Come ricordo i sa lasà i dialeti, da contrà a paese,
a ghe chi ca parla, mantoan, e veronese,
e non solo, ma frarese e padoan,
in mezo al ruigoto e a sinistra al venezian.
Tanto, questa l’è bela da savere,
in fameia, al marì al parla un dialetto diverso dla muiere. 
Da cosi, cusi, acsi, da ramenato, soraus, architrav,
da furzina, forcheta, e piron chi le bon da capirs le brav.
Sta tera da benedia la sa trasformà,
par le disgrazie ca ghe casca’ adosso in zona depresa e malandà.
Prima la pelagra, i magnava sol polenta, la zente famà,
e po con la malaria e le zanzale al Polesne  al sa degradà. 
Sa ghe zonten i disastri dla guerra e l’otto Settembre, dopo l’armistizio
ricordare i pori partigiani trucidà, l’è un supplizio.
I martiri de Villamarzana, e de Tresenta, ie sta masacrà. 
A me domando, “Parchè solo i zoveni, e i veci i sla cava”?Ma. 
La rota dal Po del zinquantuno, che desolazion,
la so zente l’è emigrà  dimezando la so popolazion.
I siopari organizà par umentare i salari,
ia creà ancora più odio tra parun e proletari. 
Quante bastonà i sa ciapà sulla gropa,
almanco questo al fuse servio a calcosa.
Na bruta storia a go da contare,
“En fato preginiera la celere” a se sentea zigare.
Na sciopetà a sa sentu in te sto bordelo,
la pallottola là colpio al cuore il giovane Tosarello.
I disea che i scioperanti iera na manega anti clericale,
però tutto al rispeto ia riservà a Don Graziano, ciamà al so capezzale.
Na fola urlante e quasi indemonià,
al so pasaggio, un silenzio riconoscente i ga riservà.
I contadin urlando i disea “En vinto”,
ma solo chi ca ghea bonsenso al ne iera convinto.
E’ rivà al sbrancamento dle fameie, le stà un cocolon al cuore,
la soluzin a sto punto, o se parte o a se more.
Sa volen, oltre la disgrazia le sta na man de Dio,
a Turin, Milan, Ivrea ia catà da magnare e i ne torna più indrio.
Qua a se ndasea far spesa col libreto, e quando se ghea i schei se pagava,
ma la fame la restava tanta, e al botegaro con la so matita, lu sì al magnava.
I se ciapava di boni da gnente e scansafadigne, pelandrun,
sa voto chi ghese entusiasmo, lori i laorava e ca magnava iera i parun.
A ghe restà solo de cargar ste quatro belese su al camione e lori cuacià soto al tlon
i rivava famà, distruti con i ossi roti a destinazion.
Na olta rivà i pagava al camionista riconoscenti, ma co(sc)a strana,
parchè le pasà alla storia, come:”Trasportator di carne umana”. 
Un me amigo, fiolo de fameia, na olta rivà a Milan, 
in stazion al sa meso a magare a boca piena al so pan.
Un fachin cal là visto, al ga domandà:
 “Magnito sempre cusi”, “Si parchè “, “Scoltame mi le meio ca te torni a cà”.  
Noantri polesan anca in region a Venezia en  sempre contà poco,
i disea”Sa te si de Ruigo te sirè sempre un pitocco”. 
Al sud dal nord la iera la classifica corrente.
Ma nonostante tutto chì ha laorà zente ecelente.
Il Senatore Dott. Nicola Badaloni che a Tresenta anden orgogliosi,
con al so ingegno la debelà la pelagra e altri mali odiosi.
Roberto Rossi e al Prof. Martini con la so opera ia fato nasar l’ospedal,
fior all’ocel dla storia de Tresenta paese dal Polesne occidental.
Ma com sempar la zent, dai vec e manc ancor dla zoventù,
de sti brav oman i  nse ricorda più. (In dialetto frarese)
Un altro polesan da menzionare le stà Giacomo Mateotti,
e Oroboni anca lù de Frata e i carbonari patrioti.
Con la Traspolesana,  l’idrovia, Fissero, Tartaro e Canalbianco,
na bona prospettiva par l’avenire, a pare ca ghe sia.
Solo che purtroppo ultimamente,
in parlamento a ghe mandà zente ca par che ne conta gnente.
Dla storia de sto Pelesine a se ne sentù tante 
a pare che colcosa apia scritto anca al Sommo Dante:
“ Tra Adige e Po tra bisci, roschi, e rane,
giace il Polesine Infamè”.
Nò, nò,… mi a ne ghe stago.
Parchè al polesan lè un omo bravo.
Polesine, una terra ricuperata, spero, che tu sia,
perché, in tal ben e in tal mal a te si la terra mia.