La siora Ganzerla detta Zomeide  
Trecentana molto loquace, 
la ghea un problema, la iera claustrofobica,
cosa vol dire, la ghea paura dal sarà.
Essendo na amiga dla maestra Cortlazzo,
la andasea a farghe compagnia.
Al posto al iera al botegnin dal cinema.
Quei veci come mi i slo ricorda.
Na sira a ghe vien un bisogno, 
stala li ad andare a casa gnanca, par sogno.
La va in tal ceso dal cinema,
a sirì mina matti cla sera la porta.
Intanto cle li cla pensa al più e al manco,
noantri anden dentro in sala, e a caten
quatro baldi zovani da Sarian, chi ghea
al vizio da vardare un film tre o quatro olte
a dipendea dla so longhezza.
A ierino de autunno a ghiera za al vin novo,
e lori par ne restare a seco e se nea portà a drio na fiasca. 
Tra bagige, brustoline e vin novo, a un a se ga agità al corpo.
Senza pensarghe un minuto al corre al ceso.
Strada fasendo al se disliga la zengia,
“ha meno male” al brontola “ e ghe la porta verta”.
Al se gira e “sbrun”, in tal stesso tempo al sente un zigo:
“Brutto porzelo”, ma ormai al ghea impinà al grombiale.
La iera la Zomeide li in tlultima fase dal so discorso.
La maestra cla intuise la sena, la se mete a ridare,
al “pompiere” al torna al so posto, come 
gnanca quelo del fato, la Zomeide, de corsa   
la verze la porta dla sala sbraitando:
“fermate porzelo, fermate porzelo”
quando la disfortuna la vole, sul schermo 
a ghiera gli Indiani ca attaccava al forte,    
un bordelo, nesuni a sentù ghente.
E la pora Zomeide clo so grombiale, m…
Le tornà a casa maledendo i posti ciusi.