Noi da bambini avevamo solo pochi divertimenti uno di questi erano i burattini e non per dire quello che questi spettacoli ci insegnavano era molto di più e meglio di certi cartoni animati d’oggi.

Quando ca iera putin, qualche anno fa, a ne esistea la television e poche radio.

A ghiera solo al cinematografo e par noantri putin i burattini.

Uno de sti burattinari al se ciamava Salice, al iera un vero artista, come cal li fasea laorare lù a ne ghiera nisun.

Sto capo comico oltre a darghe la ose, ai masci da masci, alle femene da femena. Al se permetea quando cal iera al riparo da rece indiscrete da intaolare dle discusion con i so artisti.

E volio ca ve diga, spesso a ghe tocava piantare la piva.

Al più sfazà e prepotente al iera Fasolin.

Ma listeso al ghe volea un ben come che i fose i so fioi.

I so nomi: Fasolin a len za conoscesto ,e po la Polonia, Lisandron,(Al bel Lisandar di origine bolognese.)

Colombina, Brighella e Arlechin Batocio.

Una dle batu de, Lisandron sindaco de Bologn la iera questa: “Na ose in distanza; la zente la ga  fame” risposta “ Sona mezodì”.

Na basora dopo aver fato al debuto a Salara e aver otegnu un sucesso strepitoso; (i presenti al spettacolo ia dito ca tremava la sala dal piciaman) Ne badenghe a spese, disenghe na sala.

Tornando a casa con la so bicicletta sgangherà, quando cle stà al campo sportivo de Tresenta, ( i da saver che le strade iera giara con de cle buse ca fasea paura) al se incorze ca ghe scapà un artista dal saco, a podì inmaginarve, tutto dispera al torna indrio pensando; ca ghe sia sucesso qalcosa, ca ghe sia vegno male, in te stì  momenti a se pensa sempre al pezo.

Ma nò che in lontananza, vizin al Gorgo dla Sposa, in peto a Cacian par intendarse: al vede Lisandron la cal ride come un mato. E a alta ose al disea: “a go fato un sherzo al me paron.”

Salice come cal ghe stà vizin al ga da na giazà al freno dla roda davanti dla bicicletta, che domenti al se incapela, e serio come na manara, con le man in fianco al ga dito:”da ti Lisandron un scerzo cusì a ne mlo siria mai spetà”.

Al la ciapa con sgarbo e al la ficà in tal saco a testa a baso, (da stofegarlo) borbottando “cusì nantra olta a te impari”.

E chi a finisce la storia….

P. S. chi ha scritto questa buffa storia si ricorda di avere visto in un ripostiglio vicino alla casa del signor Salice i suoi amici burattini che poi alla sua morte sono spariti, e nessuno ha saputo più niente; ora non c’è più neppure la sua casa.